منتدى ألم السعودية

نهاية قصتي

هذي قصة نثرية من إجتهاداتي
وهي عبارة عن حوار بين عاشق وكتاب معشوقته اللتي تركته وبقايا ذكرياتهم

الصفحة الأخيرة

وينك يا أول كلمة في كتابي
وينك ياكل صفحاتي
،،،،،،،،،،،،،
أتذكرك مع السطر القديم
،،،،،،،،،،،
ياكثر إشتياقي للحنين
لذيك السنين
،،،،،،،،،،
وقتها كنتي في كل صفحاتي
في عناويني ومقالاتي
إسمعي آهاتي
،،،،،،،،،،،
الكتاب تشقق
والورق تفرق
،،،،،،،،،،،،
السطر الجديد يبكي السطر القديم
،،،،،،،،،،،،،
يسأله عن صاحبه
وش في عيونه شاحبه
يسأله عن اليدين الناعمة
،،،،،،،،،،
وينها
،،،،،،،،،،
كانت تداعبه
تلاطفه
تقراه
وإصبعها على آخره
تناظره ودموعها تسابقه
،،،،،،،،،،
وينك ياكتاب
إنمحت حروفك
من دموعها ولا من خوفك
،،،،،،،،،،،
رحلت وخلتك لي ذكرى
خلك معي
سولف علي
خايف مني
ولا خايف علي
،،،،،،،،،،
إنت إبتساماتي في ليالي الحزن
وانت دموع عيني اللي نشفت
،،،،،،،،،،،،
خلك معي يا أدفى رفيق
تراني بعدها غريق
،،،،،،،
إمسك يدي
قلبها بين صفحاتك
،،،،،،،،،
هذا خطها بين هذي السطور
يابختك
ليتني مكانك
،،،،،،،،،،
هذي دمعتها
هذا الحبر إنمحى لحظتها
هذا إسمي
بخط قديم ، بعضه إنمحى وبعضه يبين
هذي رسمتها
قلب يحضن فرحتها
،،،،،،،،
هذا رمز إسمي وسط رسمتها
الله يعين
،،،،،،،،،،
ياكتاب أبغى الجواب
لا ترتاب ترى الفرح في وجهي كذاب
،،،،،،،
ياكتاب أبغى أحضنك
لملمني وسطك
أبمسح غبارك
أبجدد صفحاتك
أبضمك بقلب مايفارقك
،،،،،،،،،،،
بس أرجوك خلك معي
بقراك وأحفظك
وأرجع أنساك وأكتبك
وأسمعك كل كلمة بداخلك
بسمعك إني أحبك وأحبها
وأشوفك وأذكرها
أسولف معك واسمعها
،،،،،،،،،،
أرجوك ياكتاب
إنتظر لحظة لا تفتح الصفحة الأخيرة
تراها في حياتي الأولة والأخيرة
روحي في بعدها صارت كسيرة
،،،،،،،،،،
حرام ياكتاب ليه خذلتني
ليه ذبحتني
خلاص هذي صفحتك الأخيرة
آخرها نهاية
ومكتوب النهاية
وهي النهاية لشخص خارت كل تعابيره
بدت النهاية وبدت رحلة الحزن الطويلة
،،،،،،،،،،،،،،
وبعدها قلبت الصفحة الأخيرة
ونطقت بكلمتي الأخيرة
أحبك
ثم قفلتك يا كتاب الدمعة الأخيرة.

ودمتم ،،،،،،،،،،،،

_________________
نحن إدارة المنتدى لا فرق بين العضو ومشرف في من يخالف القوانين الإدراية